Cales son os antecedentes de DART?

O cambio demográfico constitúe un reto para moitas rexións europeas. Os baixos índices de fertilidade e a migración están a conducir ao despoboamento en moitas rexións. No 2030 unha de cada tres persoas en Europa terá 60 ou máis anos. Esta situación creou atrancos para garantir a provisión duns servizos públicos axeitados así como tamén, nalgúns casos, a necesidade dun volume suficiente de man de obra cualificada está a po?er en perigo a base económica das rexións en cuestión.

Hai moitas estratexias e informes que destacan os inminentes retos en relación co despoboamento e envellecemento das rexións en Europa. O “Informe sobre o índice de vulnerabilidade” identifica o impacto das tendencias demográficas como un dos grandes retos aos que ten que facer fronte Europa. O reto afróntase a través da retención do capital humano e o mantemento dos servizos públicos, que son factores clave nas políticas rexionais, tal como foi formulado nas iniciativas da Unión Europea “Rexións polo cambio económico” e a “Estratexia de Lisboa” e a posterior “Europa 2020”.

Existen xa varios exemplos que amosan como dar pulo á economía, educación, atención sanitaria e servizos sociais en rexións en declive demográfico. En consecuencia, DART resume esas experiencias e apuntálaas con indicadores e estándares adaptados e elabora solucións innovadoras e integradoras que mante?en a calidade de vida e a inclusión social para todas as xeracións en áreas en proceso de despoboamento e envellecemento.